BO NADAL E FELIZ ANINOVO

DENDE O EQUIPO DE BIBLIOTECA QUEREMOS DESEXARVOS UN BO NADAL, FELICES FESTOS E FELIZ ANINOVO!!!

DEIXÁMOSVOS AQUÍ UNHAS ACTIVIDADES PARA QUE PASEDES O TEMPO DURANTE AS VACACIÓNS!

A CARREIRA MÁIS DESATINADA DO MUNDO

Pinky preparoume outra das súas! Inscribiume a traizón na Carreira Máis Desatinada do Mundo sobre patíns con foguetes... foi unha fin de semana de pesadelo! Ao final, xúrovolo polos bigotes de meu avó, non vía a hora de volver á oficina!




OS MEMBROS DO GRUPO B DO CLUBE DE LECTURA "OS COMELIBROS" PODEDES DEIXAR AQUÍ AS VOSAS OPINIÓNS SOBRE O LIBRO

O CARTEIRO DE BAGDAD

Esta novela cóntanos a historia dun rapaz, chamado Abdulwahid de 11 anos e a súa familia, que viven nun barrio humilde da capital de Bagdad. O pai do cativo, Ibrahim, é o carteiro da cidade. A xente vive esculcando o ceo, as escolas pecharon e os cativos xa non xogan na rúa. Ibrahim reparte o correo na súa motocicleta. Leva no peto unha misteriosa carta que está decidido a entregar custe o que custe.

PARA OS QUE XA LERON A HISTORIA (GRUPO A) AQUÍ VOS DEIXAMOS NO BLOG UNHA SERIE DE ACTIVIDADES SOBRE O LIBRO. SO TEDES QUE PINCHAR NA IMAXE DO LIBRO QUE VOS APARECE Á DEREITA E QUE LEVA POR TÍTULO, O CARTEIRO DE BAGDAD!

SEGUNDA REUNIÓN DOS COMELIBROS

O pasado xoves 18, tivemos a segunda reunión do CLUBE DE LECTURA: OS COMELIBROS
O grupo A, interccambiou impresións sobre o libro "O carteiro de Bagdad" de Marcos Calveiro.
No grupo B, comentaron a lectura de Gerónimo Stilton "A carreira máis desatinada do mundo"

Aquí podedes ver algunhas imaxes de ambas as dúas reunións

2ªREUNIÓN OS COMELIBROS - diapositivas

Podedes deixar comentarios sobre calquera das lecturas. Que parte da historia vos gustou máis? Cal é a vosa personaxe favorita? Que relación ten a historia co mundo actual?, etc.

PREMIOS PARA OS ACERTANTES DO RECUNCHO DE POPI

Hoxe luns, fixemos a entrega de premios aos acertantes do segundo xogo do RECUNCHO DE POPI! NORABOA A TODOS!!

LIBROS INTERESANTES PARA O NADAL

Dende o colexio queremos desexarvos un BO NADAL a todos e todas e recomendarvos unha serie de lecturas para estas vacacións. Aquí vos deixamos unha lista de lecturas para cada ciclo tanto para os pais e nais coma para os nenos e nenas!

REUNIÓN CLUBE DE LECTURA

LEMBRAMOSVOS QUE O VINDEIRO MARTES 17 TEREMOS A NOSA ÚLTIMA REUNIÓN DO TRIMENTRE DO CLUBE DE LECTURA.

NO GRUPO A COMENTAREMOS A LECTURA SOBRE "O CARTEIRO DE BAGDAD".

O GRUPO B POÑERÁN EN COMÚN AS SÚAS IDEAS SOBRE " A CARREIRA MÁIS DESATINADA DO MUNDO"

NON ESQUEZADES TRAER O MATERIAL PARA A REUNIÓN.

ACERTANTES DOS XOGOS DE BIBLIOTECA

Comezamos co RECUNCHO DE POPI. Aínda que houbo moitos participantes, sinto decirvos que ninguén foi quen de escribir correctamente as articulacións do corpo. Outra vez será rapaces! Preparádevos para o seguinte xogo. A ver se hai máis sorte! 

 En canto ao XOGO DO SABICHONDO, aquí vos deixamos a lista dos acertantes. NORABOA RAPACES! Entregaranse os premios O LUNS 16 na hora do recreo na aula de AUDIOVISUAIS.

OS COMELIBROS

Hoxe imos falar un pouquiño máis do clube de lectura, OS COMELIBROS.

Este curso contamos con dous grupos. 

A primeira reunión do curso foi o día 15 de OUTUBRO. Este día os nosos comelibros recibiron instruccións básicas sobre o noso clube de lectura!

O día 12 de NOVEMBRO, tivemos a segunda reunión.

O grupo A está a ler "O CARTEIRO DE BAGDAD" de Marcos Calveiro.

O grupo B, tras ler a "XOELIKI" de Abraham Carreiro,  está a experimentar a lectura nun libro electrónico  ca historia "A CARREIRA MÁIS DESATINADA DO MUNDO" de Gerónimo Stilton.
Aquí vos deixamos algunhas fotos das nosas reunións.

os comelibros2 - foto montaje

NOVO CONCURSO

Chega o segundo concurso do XOGO DO SABICHONDO!

Atentos rapaces e rapazas. É ben sinxelo. As imaxes correspóndese coas partes do corpo. Debedes escribir as articulacións que aparecen sinaladas.

Lembrade escribilas en galego e sen erros!

OS COMELIBROS

Velaquí temos os dous grupos do CLUBE DE LECTURA "OS COMELIBROS"

CALENDARIO DE REUNIÓNS DO CLUBE DE LECTURA

Para lembrarvos a todos cando temos reunión neste PRIMEIRO TRIMESTRE, deixamos un calendario cos días, marcados, das nosas reunións do clube "Os comelibros"

VOLTAMOS CON POPI

Esta semana comezou o segundo Concurso Do RECUNCHO DE POPI! Esta vez poñerá a proba coñecementos culturais dun país de fala inglesa!

LEMBRADE: Non esquezades escribir a fonte onde atopastes a información.

E aquí tedes as tres preguntas que debedes respostar:

1. EN QUE PAIS SE ATOPA O "LONDON EYE"?

2. EN QUE ANO SE CONSTRUIU?

3. QUEN FOI O ARQUITECTO ENCARGADO DO SEU DESEÑO?

OS MÁIS EMPRESTADOS

Esta é a lista dos libros máis emprestados ata o de agora! Animádevos a lelos!!

CONTOS DE MEDO 2013

Agora xa podedes ler os contos de medos gañadores tamén aquí no blog! Nuns días tamén poderedes facelo en papel. Haberá un libro na biblioteca con todos os contos que creastes!

GAÑADORES DOS CONTOS DE MEDO

Velaquí tedes a lista dos gañadores dos contos de medo. Tamén están publicados nos taboleiros dos recunchos da Biblioteca!

NORABOA A TODOS E A TODAS! A verdade é que escribistes unhas historias incribles e terroríficas!

Moi pronto poderes ler as vosas historias gañadoras  aquí no blog de biblioteca

GAÑADORES DOS PRIMEIROS XOGOS DA BIBLIOTECA

Hoxe luns, todos os gañadores e gañadoras recibirán un premio durante a hora do recreo na biblioteca!
NORABOA A TODOS!

CONTOS DE MEDO- SAMAÍN 2013

Por mor do día do Samaín, rapaces e rapazas do noso colexio crearon as súas propias historias de terror!
Moitas delas foron lidas polas aulas ao resto do alumnado. Tamén foron onde os máis pequenos para interpretar as súas historias!
Velaquí tedes algunhas fotos que fixemos durante as lecturas dos contos!

CONTOS DE MEDO - foto montaje

En breve, publicaremos neste blog o nome dos gañadores deses contos!

O XOGO DO SABICHONDO

Como xa dixemos o mes de outubro vén cheo de actividades e unha delas é o primeiro concurso do XOGO DO SABICHONDO! Xa tedes as imaxes no taboleiro ao lado da biblioteca.

Este primeiro xogo está relacionado con cousas da biblioteca, é dicir, rincóns e diversos materiais que podedes atopar na nosa biblioteca.

A cada imaxe correspondelle un número, así que fixádevos ben!

O CLUBE DE LECTURA "OS COMELIBROS"

Atentos rapaces e rapazas porque esta semana temos a nosa primeira reunión do curso do CLUBE DE LECTURA "OS COMELIBROS"

Como xa poidestes ler no taboleiro da biblioteca a reunión terá lugar o martes DÍA 8, na hora do recreo.

Contamos convosco!

O RECUNCHO DE POPI

Velaquí as primeiras preguntas do Recuncho de Popi. Botádelles un ollo, a ver se sabedes as respostas! Se non, xa sabedes rapaces e rapazas, correndo cara á biblioteca para atopar a información!

COMEZAN OS CONCURSOS DA BIBLIOTECA

Co mes de outubro chegan os xogos organizados pola biblioteca: "O XOGO DO SABICHONDO" e  "O RECUNCHO DE POPI" Con este motivo, tanto O Sabichondo coma Popi fixéronvos chegar unhas cartas anunciando o seu comezo e animándovos a PARTICIPAR!

Lémbrarvos que:

O "Xogo do Sabichondo" é un concurso para os de 1º, 2º e 3º no que teñen que escribir o nome das imaxes que aparecen no taboleiro. As respostas teñen que estar perfectamente escritas en galego.

O "Recuncho de Popi" é un xogo destinado ao alumnado de 4º, 5º e 6º. Para serdes gañadores e gañadoras deberedes contestar ás preguntas de Popi pero sen esquecervos de escribir a fonte de onde atopastes a información.

BENVIDOS!

Dende a biblioteca do cole dámosvos a benvida a todos e a todas un curso máis! Un curso que vén cheo de novidades e sorpresas. Así que estade ben atentos a todo o que ocorra no cole e en especial a todo o que se conte neste blog.

Como sabedes, dende comezos desta semana, xa podedes vir á biblioteca polas tardes, agás os martes. O horario é o mesmo que o de outros anos, de 4 a 6 da tarde.

Ademáis de polas tardes, xa sabedes que podedes vir todos os recreos a ler un chisco ou a coller algún libro para ler na casa!

Lecturas refrescantes

Aí vai a nosa proposta de lecturas para o verán,. Agardamos que este pequeno mollo de lecturas refrescantes vos axuden neste tempo de calor.

Grazas, axudantes

Hoxe celebramos unha pequena festa cos axudantes da biblioteca. Queriamos agradecerlles o labor tan valioso que fixeron  durante todo o curso  asistindo unha vez por semana para axudar durante o tempo de recreo na biblioteca. Ao final entregámoslles un pequeno agasallo.
Algúns destes alumnos e alumnas xa se van para o instituto o vindeiro curso. Outros seguirán axudando o ano que vén.
Moita sorte a tod@s! Vós merecedes o mellor.

Premios Sabichondo

Hoxe entregamos os últimos premios do Xogo do Sabichondo por este curso.
Os acertantes foron
Daniela de 1º B
María, Laura e José Enrique de 2º A
Sheila de 3º A
Noraboa a todos!

Encontro con An Alfaya

O pasado 6 de xuño  as alumnas/os es profesoras do club de lectura “Os Comelibros” tivemos ocasión de desfrutar dun encontro coa escritora An Alfaya, autora do libro Unha xanela para Cecilia, que eliximos para ler este ano. An ofreceunos unha amena charla onde repasou a súa traxectoria e lembrou para nós as súas primeiras experiencias como escritora  sendo aínda unha nena, e como a escrita lle serviu durante moito tempo para canalizar a todas aquelas cousas  que a súa timidez lle impedía expresar directamente.
Os alumnos e alumnas entregáronlle algúns debuxos inspirados na súa obra e ela escribiulles dedicatorias nas copias dos mesmos. Tamén adicou un exemplar do seu libro para a biblioteca do colexio.
Grazas, An, pola túa simpatía e amabibilidade.

Roberto Vidal Bolaño en cómic

Desde a biblioteca escolar propuxemos a todo o colexio a elaboración de cómics sobre a vida e a obra de Roberto Vidal Bolaño.
Algúns deles foron elaborados colaborando diferentes cursos, outros elaboráronse en grupos dentro da mesma clase e mesmo houbo quen se atreveu a elaboralos de xeito individual. De momento están expostos nas paredes do colexio. Pasada unha semana serán encadernados e quedarán na biblioteca no noso recanto "Fixémolo nós".
Aí van algunhas fotos cos resultados.

"Contos de burros"

O pasado día 13 de maio visitou o colexio Inacio Vilariño. As alumnas e alumnos de 2º ciclo puideron desfrutar da actividade de animación titulada "Contos de Burros". Foi moi motivadora e divertida para os alumnos e valorada moi positivamente polos mestres. Grazas, Inacio.

Día do libro

Con motivo do día do libro queremos facer visibles as lecturas preferidas dos nosos alumnos. Para iso preguntamos polas clases e o resultado é unha exposición que poderemos desfrutar por dúas semanas nas escaleiras do colexio, así como no edificio de E. Infantil. A exposición está dividida en seccións, estando en cada escaleira os libros favoritos dos alumnos que baixan por ela. Estamos agradeblemente sorprendidos polas moitas e variadas lecturas que as nosas alumnas e alumnos escolleron.

Novo tema para o Xogo do Sabichondo: "Podemos ler..."

Debido a que neste mes se celebra o día do libro propoñemos nesta ocasión como tema para o Xogo do Sabichondo o seguinte título: "Podemos ler..." .
Os nenos e as nenas deberán relacionar as imaxes que aparecen no panel cos seus nomes.

o carteiro de Bagdad

Ola! vouvos escribir un resumo do libro "O carteiro de Bagdad" que fixo un comelibros do grupo A.
" Este libro narra a historia da guerra que se vive en Bagdad, pero tamén da morte, do sofremento que provoca a guerra. Pero tamén fala dun neno chamado Abdulwahid. Que recibe este nome en homenaxeao gañador da medalla de bronce dos Xogos Olímpicos de Roma. Este atleta competía na categoría de levantamento de pesas.
O pai de  Abdulwahid é carteiro e reparte o correo na súa motocicleta, o seu nome é Ibrahim. Ibrahim posee unha carta misteriosa, á  que non lle atopa destinatario. Nun intento de entregar unha carta, Ibrahim sofre un atropello.

Mentres Ibrahikm está convalecente,Abdulwahid xúralle polo Profeta a seu pai que entregará a carta ao seu destinatario. antes de partir, Abdulwahid vai en busca do seu amigo Ahmed, que yten familia perto da dirección do destinatario, para que o acompañe na entrega.
Despois de pasar por moitas anécdotas do viaxe conseguen entregar a carta. á volta da viaxe o pensamento dos nenos cambia moito; xa non son nemnos inocentes que xogan na almuíña, senón que senten que creceron.
Á volta a casa Abdulwahid teme pola vida de seu pai, pero despois de ver unha carpa dourada no río, consegue velo na súa motocicleta..."
moitas grazas pola túa aportación Francisco.

Top febreiro

Libros máis emprestados no mes de febreiro foron:

1. Animales de la granja
2. El libro de la selva
3. CEDRIC 1 Primeras clases
4.  O  gran soño
5. A toupiña que quería saber quen lle fixera aquilo na cabeza
6. Ibai Reportero
7. Mulán
8. ¡Me aburro!
9. O traxe de luces
10. 101 Dálmatas
11. CEDRIC 5- ¿Qué mosca le ha picado?
12. CEDRIC 3- Clases de esquí
13. El pan y la pasta
14. La fiesta
15. Unha eiruga moi larpeira
16. Néstor jardinero
17. Cando Martiño tivo ganas de mexar na noite de Reis
18. CEDRIC 6- Frío y caliente
19. El Rey León 
20. CEDRIC 2- Clases de alto riesgo

Os máis emprestados

 

No mes de xaneiro os libros máis emprestados na nosa biblioteca foron:

A toupiña que quería saber quen lle fixera aquilo na cabeza.

Os bolechas queren saber... como é un castro

El libro de la selva

Cedric 5. ¿Qué mosca le ha picado?

Néstor decora su casa

Cedric 1. Primeras clases

Unha eiruga moi larpeira

Os bolechas. A montaña

La Bella Durmiente

El Rey León

Junie B. Jones 9: Va de boda

Mulán

Adivina que oigo

Bambi

Dinosaurio

Astérix y lo nunca visto

O león Kandinga

El cerdito

La mantequilla y el yogur

Recuncho de Popi: Novo tema

Esta semana propoñemos un novo tema para investigar ralacionado coa celebración o día 8 de marzo do Día Internacional da Muller Traballadora.

No panel correspondente aparecen as preguntas. Recordade que debedes facer referencia sempre á fonte documtal da que sacades a información.

Animádevos a participar!!

Coplas do Entroido

Alumnos de  de diferentes cursos cantaron para nós coplas de Entroido, algunhas inventadas por eles mesmos.

Foron gravadas e están sendo emitidas no programa da Radio Xornal Faladora.

Tamén poderedes velas na web do colexio: http://www.edu.xunta.es/centros/ceipnosasenoraremedios/

Recollerémolas nun libro que estara na biblioteca a disposición de todas e todos.

MALETA VIAXEIRA

O pasado mes de decembro decidimos enviar unha maleta viaxeira ao 3º Ciclo de E. Primaria para que os nosos alumnos coñezan as novidades que hai na biblioteca e se animen a desfrutar delas.

Cada semana permanece nunha aula diferente e cambiamos os títulos cada vez que cambia de curso.

Xa imos pola  3ª  maleta e parece que tén moito éxito.

Dixome nantronte o cura

DÍA DE ROSALÍA

O noso colexio tamén participou na LECTURA COLECTIVA DE CANTARES GALLEGOS que a AELG convocou para todos os centros escolares galegos con motivo da celebracion do Día de Rosalía, o vindeiro 24 de febreiro.
Alumnas e alumnos de 6º de E. Primaria recitaron o poema "Díxome nantronte o cura".

FELICIDADES, RAPAZAS E RAPACES!!

NOVAS LECTURAS

Seguimos lendo nos dous grupos do noso clube de lectura. As seguintes lecturas son:

GRUPO A: "O Carteiro de Bagdad"

GRUPO B: "Chamádeme Simbad"
Ámbolos dous tratan temas que teñen unha certa fondura e seriedade. Sabemos que os nosos alumnos xa teñen idade para pensar neles.

Agardamos que vos gusten.

Lecturas xaneiro-febreiro

>Pasaron xa dous meses sin que compartiramos con vós as experiencias sobre as nosas lecturas desde finais de decembro ata a semana pasada, que foron moi interesantes.

 No grupo A lemos dous libros:

 "Cómo complacer a todo el mundo sin dejar de hacer ... lo que uno quiere": Foi unnha lectura moi divertida para todos, especialmente como o protasgonista se apañaba para sacar ao seu pai de tódolos líos nos que se metía.

 "O Misterio das Badaladas": Este libro gustounos moito porque nos movía a participar na resolución do misterio tratando de resolver as pistas que ían aparecendo.

A maioría dos membros do grupo recomendaría estes libros para ler e pasalo ben.

No grupo B lemos

"La Niña de Plata": Este libro non lle gustou a todo o mundo porque era moi triste por veces.

"O Misterio das Badaladas": O reloxio da torre dá 13 badaladas e un grupo de rapaces decídese a resolver o misterio. Foi un libro que resultou moi atraente para todos os lectores deste grupo, xa que intentamos nós tamén resolver o misterio.

No grupo B houbo unha alta participación á hora de comentar este último libro.
Por outra banda, cada día o pasamos mellor grazas ás doces merendolas coas que nos agasallan algunhas alumnas. Desta vez houbo abundancia, variedade e... estaba todo para chupa-los dedos. Se seguimos así imos engordar.

Sabichondo: acertantes e novo tema

>O pasado día 15 entregamos os premios aos acertantes da última edición do Xogo do Sabichondo.

Había que atopar  os nove valores positivos que para construir a PAZ:
1. PACIENCIA
2. AMOR
3. AXUDA
4. ESCOITAR
5. COMARTTIR
6. AMISTADE
7. ALEGRÍA
8. DIÁLOGO
9. SOLIDARIEDADE.

Resultou un pouco difícil, sobre todo a última palabra.

>Os acertantes foron;

 MARÍA , de 2º A, que xa ten a chapa laranxa por levar tres acertos, e
AARÓN, de 2º C, con chapa amarela.

Queremos felicitarvos pola alta participación e, dunha maneira especial, aos acertantes. Seguide así.

>Nesta semana xa apareceu un novo tema para o Xogo do Sabichondo. 

Desta vez tedes que acertar os oficios e profesións que teñen as mulleres do panel.

Animádevos a seguir participando, que o estades facendo moi ben.