CANTO ME GUSTA LER

E velaquí máis novidades na nosa biblio. Xa tedes material para entretervos durante as vindeiras vacacións. A verdade é que son ben interesantes! Premede na seguinte imaxe para ver máis títulos.

NOVAS NA BIBLIOTECA

AO IGUAL QUE EN FEBREIRO, COMEZAMOS O MES DE MARZO CON NOVASNA NOSA BIBLIOTECA! AQUÍ TEDES NOVOS TÍTULOS QUE PODEDES ATOPAR A PARTIRES DESTE MES NA BIBLIOTECA. ESPERAMOS QUE LLES SAQUEDES PARTIDO!

NOVIDADES DO MES DE FEBREIRO

NON DEIXEDES DE PASAR POLA BIBLIOTECA PARA VER AS NOVAS QUE TEMOS ESTE MES. ENTRE ELAS ATOPAMOS ESTES MARABILLOSOS CONTOS BILINGÜES! XA TEDES A VERSIÓN EN INGLÉS DOS VOSOS CONTOS FAVORITOS!

Grazas, axudantes

Hoxe celebramos unha pequena festa cos axudantes da biblioteca. Queriamos agradecerlles o labor tan valioso que fixeron  durante todo o curso  asistindo unha vez por semana para axudar durante o tempo de recreo na biblioteca. Ao final entregámoslles un pequeno agasallo.
Algúns destes alumnos e alumnas xa se van para o instituto o vindeiro curso. Outros seguirán axudando o ano que vén.
Moita sorte a tod@s! Vós merecedes o mellor.

Roberto Vidal Bolaño en cómic

Desde a biblioteca escolar propuxemos a todo o colexio a elaboración de cómics sobre a vida e a obra de Roberto Vidal Bolaño.
Algúns deles foron elaborados colaborando diferentes cursos, outros elaboráronse en grupos dentro da mesma clase e mesmo houbo quen se atreveu a elaboralos de xeito individual. De momento están expostos nas paredes do colexio. Pasada unha semana serán encadernados e quedarán na biblioteca no noso recanto "Fixémolo nós".
Aí van algunhas fotos cos resultados.

"Contos de burros"

O pasado día 13 de maio visitou o colexio Inacio Vilariño. As alumnas e alumnos de 2º ciclo puideron desfrutar da actividade de animación titulada "Contos de Burros". Foi moi motivadora e divertida para os alumnos e valorada moi positivamente polos mestres. Grazas, Inacio.

Top febreiro

Libros máis emprestados no mes de febreiro foron:

1. Animales de la granja
2. El libro de la selva
3. CEDRIC 1 Primeras clases
4.  O  gran soño
5. A toupiña que quería saber quen lle fixera aquilo na cabeza
6. Ibai Reportero
7. Mulán
8. ¡Me aburro!
9. O traxe de luces
10. 101 Dálmatas
11. CEDRIC 5- ¿Qué mosca le ha picado?
12. CEDRIC 3- Clases de esquí
13. El pan y la pasta
14. La fiesta
15. Unha eiruga moi larpeira
16. Néstor jardinero
17. Cando Martiño tivo ganas de mexar na noite de Reis
18. CEDRIC 6- Frío y caliente
19. El Rey León 
20. CEDRIC 2- Clases de alto riesgo

Coplas do Entroido

Alumnos de  de diferentes cursos cantaron para nós coplas de Entroido, algunhas inventadas por eles mesmos.

Foron gravadas e están sendo emitidas no programa da Radio Xornal Faladora.

Tamén poderedes velas na web do colexio: http://www.edu.xunta.es/centros/ceipnosasenoraremedios/

Recollerémolas nun libro que estara na biblioteca a disposición de todas e todos.

NOVAS LECTURAS

Seguimos lendo nos dous grupos do noso clube de lectura. As seguintes lecturas son:

GRUPO A: "O Carteiro de Bagdad"

GRUPO B: "Chamádeme Simbad"
Ámbolos dous tratan temas que teñen unha certa fondura e seriedade. Sabemos que os nosos alumnos xa teñen idade para pensar neles.

Agardamos que vos gusten.

Sabichondo: acertantes e novo tema

>O pasado día 15 entregamos os premios aos acertantes da última edición do Xogo do Sabichondo.

Había que atopar  os nove valores positivos que para construir a PAZ:
1. PACIENCIA
2. AMOR
3. AXUDA
4. ESCOITAR
5. COMARTTIR
6. AMISTADE
7. ALEGRÍA
8. DIÁLOGO
9. SOLIDARIEDADE.

Resultou un pouco difícil, sobre todo a última palabra.

>Os acertantes foron;

 MARÍA , de 2º A, que xa ten a chapa laranxa por levar tres acertos, e
AARÓN, de 2º C, con chapa amarela.

Queremos felicitarvos pola alta participación e, dunha maneira especial, aos acertantes. Seguide así.

>Nesta semana xa apareceu un novo tema para o Xogo do Sabichondo. 

Desta vez tedes que acertar os oficios e profesións que teñen as mulleres do panel.

Animádevos a seguir participando, que o estades facendo moi ben.

Novas reunións do noso clube de lectura

O martes e mércores pasado reuníronse os grupos A e B do clube de lectura Os comelibros. 

No grupo A intercambiamos impresións sobre o libro "La niña de plata". Recordamos que a autora, a quen recibimos hai dous cursos, nos dixera que o libro foi inspirado na visión dunha nena estraña que se cruzara unha vez na súa vida.

Tomás amosou a súa preferencia por Rogata e Zaira ofreceunos un resumo do libro. Diversos alumnos expresaron a súa pena por algúns acontecementos terribles que conta o libro.

 En xeral o libro gustou moito pero os membros do grupo aínda deberán vencer a timidez e participar máis.

No grupo B falamos sobre Xoeliki, o último libro que lemos, onde un neno vive emocionantes aventuras que levan a un final...feliz?. Invitámosvos a descubrilo.

É un libro de Abraham Carreiro, escritor e ilustrador a quen tivemos o pracer de recibir no colexio o pasado curso. gustou moito a todos os alumnos. Sobre os personaxes, os preferidos son Xoeliki e a súa amiga Ari. 

Paula foi a alumna máis participativa. Animádevos para a seguinte.

Moitas grazas a Sara Vila e a Paula, que compartiron con todo o grupo un biscoito e unha torta de mazás deliciosas.

Felices lecturas de nadal

O equipo da biblioteca quere desexarvos un Bo Nadal e para iso seleccionamos unhas maravillosas lecturas que podedes pedirlles aos Reis. Se pinchades no seguinte enlace atoparédelas:
https://www.box.com/s/cyrlp4zjm0ixgn591g1n

Gañadores Xogo do Sabichondo

Mañá na hora do recreo entregaranse os agasallos e as chapas aos acertantes da segunda edición do Xogo do Sabichondo deste curso.
Os acertantes son os seguintes:

1ºA

CRISTINA

2º A

MARÍA *

2º C

EDGAR *

AARÓN

PABLO

3º B

ANTÍA

LUCÍA TURRADO*

 NOTA: Os acertantes sinalados co asterisco  xa acertan por segunda vez este curso e polo tanto recibirán  a chapa amarela.

NORABOA A TODOS!!

As respostas correctas pódense ver no taboleiro de Novas da biblioteca.

Reunión "Os Comelibros"

O mércores da semana pasada reuniuse o grupo B do clube de lectura "Os Comelibros" para poñer en común as nosas impresións sobre o libro que lemos "Como complacer a todo el mundo sin dejar de hacer... lo que uno quiere".

Pasamos un rato moi agradable recordando anécdotas curiosas e características especiais dalgún dos personaxes, especialmente do protagonista, que tén unha habilidade especial para resolver os problemas.

O autor do libro é alemán pero o libro está traducido a máis de vinte idiomas diferentes. Non deixedes de lelo, que é moi divertido.

De aquí a mediados de decembro imos ler "Xoeliki", o libro que xa leron os do grupo A e nos dixeron que tamén era moi divertido.

BENVIDOS!!

Benvidos un novo curso!!
Este ano a biblioteca está renovada e estamos desexando compartila con toda a comunidade educativa.
Polas mañás estamos aquí agardando a vosa presencia, especialmente na hora do recreo.
Tamén como sabedes podedes vir tódalas tardes, agás os martes, de catro a seis. Vinde! Non nos deixedes sós!
Comezou xa o primeiro xogo do Sabichondo e do Recuncho de Popi.
Animádevos a participar!

Tamén se entregaron os primeiros libros aos membros do clube "Os Comelibros".