Creamos marcapáxinas

Para festexar a chegada da nova mascota da nosa biblioteca, fixemos un taller de marcapáxinas de Xela que tivo moito éxito!

XELA

                            SORPRESA!!! 

Presentámoste a Xela, a curuxa que gañou o concurso para ser a nova mascota da nosa Biblioteca. Aquí tedes o vídeo de presentación que fixeron as nenas e nenos de 2ºC, a clase da nena creadora de Xela: Iria.

Cada semana, Xela estará cunha clase. Agardamos que disfrutedes moito das sorpresas que levará con ela, e que lle deixedes o voso recordo en forma de carta ou de debuxiño.

Novidades

Na nosa biblioteca hai libros creados por uns  autores/as moi especiais... o alumnado do cole! Aquí tendes o resultado dunha actividade proposta polo equipo de Biblioteca, na que as nenas e nenos, a partir da letra que lles foi asignada, tiveron que crear un diccionario temático. Xa temos o diccionario do Nadal e o diccionario da Paz. Próximamente teremos o do Entroido. Podedes pasar a velos!

Ademais, tamén poderedes desfrutar de todas estas novidades. 

 

Adiviña adiviñanza...

Feliz aninovo a todas!! Xa estamos de volta das vacacións. Que vos parece se comezamos o ano cun pasatempo que sempre vos gusta moito? Aí van unhas cantas adiviñas...

1. Anda e non ten pés; come, e non ten boca, e toda a comida lle parece pouca.

2. Ten un dente e tira pola xente.

3. No alto vive, no alto está, tecendo arreo sen liño e sen la. 

4. Cal é o animal? A ver se o acertas, que leva unha silla e non senta nela.

SOLUCIÓNS:

1. O muíño

2. A campá

3. A araña

4. O cabalo