GUÍA DE LECTURAS PARA VERÁN

Xa rematamos o curso pero aquí vos deixamos unha serie de lecturas para que vos entreteñades durante o verán.

ESPERAMOS QUE VOS GUSTEN!!

QUE TEÑADES UNHAS BOAS VACACIÓNS!!

PRIMEIRO CICLO

SEGUNDO CICLO

TERCEIRO CICLO

PREMIOS ESPECIAIS

QUEREMOS FACER ESPECIAL MENCIÓN A DOUS GAÑADORES EN CONCRETO, XA QUE ACERTARON TODOS OS XOGOS QUE SE PROPUXERON.  POLO QUE AMBOS OS DOUS RECIBIRON PREMIOS ESPECIAIS

OS SEUS NOMES SON:

MARÍA FERNÁNDEZ DE 3ºA: GAÑADORA ESPECIAL DO XOGO DO SABICHONDO

PEDRO ESTÉVEZ DE 5ºA: GAÑADOR DO RECUNCHO DE POPI

GAÑADORES DE XUÑO

E coa fin de curso chegan os últimos gañadores dos Xogos de Biblioteca!

Noraboa rapaces e rapazas!

VISITA DE MARCOS CALVEIRO

O día 10 de Xuño tivemos a sorte de ter entre nós a Marcos Calveiro, autor de "El Samurai del Rey" e "O Carteiro de Bagdad", dous dos libros que Os Comelibros tiveron a oportunidade de ler.

Esta reunión do clube de lectura foi especial porque os rapaces e rapazas tiveron a oportunidade de escoitar ao autor de ditos libros. 

Marcos Calveiro fixo unha presentación na que nos explicou por que se decidiu a escribir "El Samurai del Rey", así como a situación histórica da súa novela.

Tras a presentación tivemos a oportunidade de facerlle preguntas sobre a súa obra. Aínda que tamén contestou a preguntas persoais feitas por os curiosos Comelibros.

Fixémoslle un pequeno agasallo dende o Equipo de Biblioteca e tamén uns debuxos feitos polos rapaces e rapazas sobre o seu libro.

Asinou autografos a todos e todas! 

Aquí deixamos proba de como trascorreu a visita!

VISITA MARCOS CALVEIRO - Movie Maker

Despois de todo isto, fixémoslle unha pequena entrevista para a nosa Radio Faladora, así que todos os alumnos e alumnas tiveron a oportunidade de coñecer un pouquiño mellor a este gran escritor!

Dende aquí non podemos máis que agradecerlle a súa visita. MOITAS GRAZAS!

ÚLTIMOS XOGOS

Estamos chegando ao final e coa fin de curso rematamos cos Xogos de Biblioteca ata setembro! Como sabedes o último xogo do RECUNCHO DE POPI que comezou o mes de maio, estaba adicado ao escritor homenaxeado nas LETRAS GALEGAS neste 2014.

A vindeira semana, saberemos por fin os gañadores no só do RECUNCHO DE POPI, senón tamén do XOGO DO SABICHONDO! Coma sempre, ademáis de nos taboleiros da biblioteca, faremos a lista pública a través da nosa radio escolar! ESTADE ATENTOS!

VISITA DE PAULA CARBALLEIRA

O pasado martes tivemos a sorte de ter con nós non só a unha gran escritora senón tamén unha magnífica contacontos.

Entre outras cousas, veu para falarnos do súa obra "CASAS" que os rapaces e rapazas de 4º xa leran.

Estivo moi ben, moi entretido. Ao rematar os seus contos pudemos facerlle unha chea de preguntas. Ademáis tamén nos firmou autografos para ambas as dúas clases, como recordo do seu paso polo cole. Nós agasallámola cos debuxos que creamos tras lermos o seu libro.

VISITA PAULA - Movie Maker

REUNIÓN DO CLUBE

O día 15 deste mes, tivemos as reunións do clube de lectura!

NO GRUPO A comentamos o libro "¿QUIÉN CUENTA LAS ESTRELLAS?" e

NO GRUPO B tivemos un coloquio sobre "EL SAMURAI DEL REY" 

Por certo rapaces e rapazas, moi pronto o autor deste último libro, así coma de "O CARTEIRO DE BAGDAD" que tamén leron os Comelibros, nos fará unha visita ao noso centro para falarnos das súas obras. QUE SORTE!!!

MÁIS SABICHONDO

Neste mes de maio tivemos o XOGO DO SABICHONDO adicado ás letras galegas.

Desta vez, os máis pequenos tiñan que ordenar unhas palabras para formar unha frase sobre o autor homenaxeado o DÍA DAS LETRAS GALEGAS.

Saberemos quen son os gañadores dentro duns días!!

OS VOSOS POEMAS

E por fin chegou a versión para o blog dos vosos poemas. Agora, ademáis de na biblioteca tedes á vosa disposición unha versión web onde ler as vosas creacións.

Ademáis, tamén podedes ver na canle de youtube do cole, os vídeos de cada un dos poemas. Podedes acceder a eles premendo na seguinte ligazón.

VÍDEOS

PROGRAMA ESPECIAL

HOXE, CON MOTIVO DO DÍA DO LIBRO EMITIUSE UNHA EDICIÓN ESPECIAL DA NOSA RADIO FALADORA.

EN BREVE PODEREDES ESXOITALO PINCHANDO NO ENLACE CORRESPONDENTE DA NOSA LISTA DE BLOGS Á DEREITA DA PANTALLA.
PERO MENTRES TANTO, VELAQUÍ O GUIÓN DA RADIO DESTE DÍA ESPECIAL!

DIA DO LIBRO

HOXE 23 DE ABRIL, FESTEXAMOS NO COLEXIO O DÍA DO LIBRO!

COMO NON PODÍA SER MENOS, HOXE NA BIBLIOTECA TIVEMOS VARIAS SORPRESAS. OS QUE NOS VISITASTES HOXE DURANTE A HORA DO RECREO XA O SABEDES, VERDADE? POIS SI, TODOS OS ALUMNOS E ALUMNAS QUE DECIDIRON VIR A BIBLIOTECA BEN PARA LER UN ANAQUIÑO OU BEN PARA FACER ALGUNHA CONSULTA RECIBIRON UN PEQUENO AGASALLO: UNHA CHAPA DA BIBLIOTECA!!

ADEMAIS, CADA AULA FIXO A SÚA ESPECIAL HOMENAXE A ESTE GRAN DÍA! ALGÚNS FIXERON MARCAPÁXINAS E COMO NON HOXE PRESTAMOS ESPECIAL ATENCIÓN AS MALETAS VIAXEIRAS!

                                                                                  

TECENDO POEMAS

Como xa dixemos noutras ocasións, o 21 de marzo foi o Día da Poesía, así no colexio decidimos facerlle unha homenaxe a dito xénero literario. Dende a Biblioteca, como ben sabedes, organizamos a sección "TECENDO POEMAS" que comezou o 19 de febreiro. Para o ldía 21 o noso colexio estaba empapelado coas vosas creacións. Queremos agradecervos a vosa participación! A verdade é que sodes uns grandes poetas. Faremos entrega duns diplomas a todos os participantes!

O PRINCIPITO

O grupo B do clube de lectura "Os Comelibros" reuniuse o pasado 18 de febreiro,  unha vez lido "O Principito" en formato electrónico para falar e opinar sobre o libro.

En xeral gustoulles moito.

o principito - Video Maker

GAÑADORES DOS XOGOS DE FEBREIRO

Velaquí tedes a relación de acertantes dos Xogos da Biblioteca propostos no mes de febreiro. Seguimos sen ter moitos acertantes no Recuncho de Popi, pero a verdade e que co Xogo do Sabichondo lucistesvos rapaces e rapazas! NORABOA A TODOS E TODAS!

O DÍA DE ROSALÍA

Como sabedes o 24 de febreiro é o día adicado a Rosalía de Castro, así que dende a biblioteca quixemos homenaxear á escritora facendo uns marcapáxinas sobre dita conmemoración. E este foi o resultado.

Así de fermosos quedaron. Pero non só incluímos un retrato de Rosalía e a data dedicada a ela, senón que por a outra cara podemos atopar e ler os seus poemas máis soados.

TECENDO POEMAS

Hoxe 19, damos comezo a una nova proposta dende o Equipo de Biblioteca: O MES DA POESÍA: TECENDO POEMAS, con motivo do centenario de Xosé María Díaz Castro. Este será o autor ao que se lle dedique o DÍA DAS LETRAS GALEGAS este ano 2014.
Aquí vos deixamos máis información sobre a proposta.

NOVOS XOGOS

             Na semana pasada apareceu unha nova edición dos xogos.

 No Xogo do Sabichondo queremos que clasifiquedes os animais vertebrados que aparecen nas fotografías. Atención! Non é dicir o nome do animal senón dicir de que clase é. Tedes unha pista no papel das respostas.

            O Recuncho de Popi tratará sobre o Día de San Valentín, día dos namorados que, como sabedes, é o 14 de febreiro. Respondede ás preguntas e lembrade que debedes escribir o nome das fontes documentais.

PREMIOS DOS XOGOS DE XANEIRO

O pasado martes 12, entregamos os premios aos acertantes dos Xogos de Biblioteca propostos no mes de xaneiro. NORABOA A TODOS!

          XOGO DO SABICHONDO

            RECUNCHO DE POPI

ACERTANTES DOS XOGOS DE XANEIRO

Xa foron publicados nos taboleiros do Equipo de Biblioteca os gañadores destes xogos de xaneiro, tanto do RECUNCHO DE POPI coma do XOGO DO SABICHONDO. Velaquí tedes as listas.

OS PREMIOS ENTREGARANSE MAÑÁ DÍA 12 NA HORA DO RECREO.

IMAXES DOS COMELIBROS

Como xa aparece no almanaque de reunións o día 21 de xaneiro o grupo B de Os Comelibros reuniuse para falar do libro "AVENTURAS DE LA MANO NEGRA"

O grupo A non pudo reuniunirse ese martes, así que a reunión tivo lugar o 28 de febreiro para falar de "A CARREIRA MÁIS DESATINADA DO MUNDO".

Ambos os dous grupos comentaron o que máis lles gustou de cadanseu libro, fixeron unha análise crítica da historia e falaron sobre as personaxes preferidas.

Aquí temos algunhas das imaxes de ambas as dúas reunións

Free digital scrapbook created with Smilebox

A vindeira reunión será o 18 de febreiro. As lecturas para comentar ese día serán as seguintes:
GRUPO A: "O MISTERIO DAS BADALADAS" en formato papel.
GRUPO B: "EL PRINCIPITO" en formato electrónico

LECTURAS DO COMELIBROS

As lecturas a comentar nesta última reunión do clube de lectura eran as seguintes:

• Os alumnos e alumnas do GRUPO A tiveron a oportunidade de ler no libro electrónico "A CARREIRA MÁIS DESATINADA DO MUNDO" de Gerónimo Stilton. Xa  falamos un chisco sobre o libro. Que vos parece se hoxe comentamos algo sobre o autor?

          Todos pensabades que este libro o escribira GERÓNIMO  STILTON! 

Pero é realmente ese o nome do escritor? Pois ben rapaces e rapazas, que saibades que ese é o nome ficticio co que firma a escritora italiana ELIZABETTA DAMI. 
Ás veces tamén escribe baixo o seudónimo de TEA STILTON. Elizabetta é filla de Piero Dami, que é un dos escritores de literatura infantil más coñecidos do mundo.

Se queredes coñecer máis sobre este escritor ficticio, GERÓNIMO STILTON, non tedes máis que premer na seguinte ligazón que está relacionado co seu mundo. Aquí atoparedes xogos, cancións e moitas cousas máis.

                                         CLUBE GERÓNIMO STILTON

• Os alumnos e alumnas do GRUPO B leron sobre papel "AVENTURAS DE LA MANO NEGRA" que foi escrita por HANS JÜRGEN PRESS, un ilustrador e escritor de libros infantiles que naceu nun pequeno pobo alemán en 1926. A maioría dos seus libros conteñen historias nas que o lector debe buscar pistas nas ilustracións e resolver un enigma.

Félix, Adela, Rollo, Kiki e a súa aridlla forman "la mano negra" e reúnense á salida do colexio. Grazas ás súas dotes deductivas e de observación dedícanse a esclarecer misterios a partires da averiguación de datos. Nas catro historias que conforman este libro, o lector tamén participa coma dectective e pon a proba a súa capacidade deductiva, a través de pistas, do establecemento de relacións de causalidade entre os feitos, os actos e a intuición.

REUNIÓNS DOS COMELIBROS

Lembrámosvos os días que temos as reunións do clube de lectura OS COMELIBROS para este segundo trimestre do curso. Tamén podedes botar unha ollada tamén na parte dereita deste blog para non esquecervos dos días.

CONSTRUINDO A PAZ

E como non temos un novo XOGO DO SABICHONDO para os nenos e nenas de 1º, 2º e 3º. Coincidindo con xaneiro, que é o mes no que festexamos o Día da Paz, este xogo está relacionado cos VALORES NECESARIOS PARA CONSTRUIR A PAZ,

Coma nos outros xogos, contamos con nove imaxes ás que lle temos que dar nome. 

Aínda que desta vez vos damos algunha pista máis, xa que vos incluimos as letras, desordeadas, das palabras correctas.

NUNS DÍAS PUBLICAREMOS TANTO NO BLOG COMA NOS TABOLEIROS OS GAÑADORES DO XOGO DO SABICHONDO E DO RECUNCHO DE POPI.

NELSON MANDELA

Comezamos este novo ano con outro concurso máis do RECUNCHO DE POPI. Esta vez quixemos facer unha homenaxe a NELSON MANDELA ao cal se lle concedeu o PREMIO NOBEL DA PAZ en recoñecemento da súa contribución á cultura da paz e da liberdade.

ÁNIMO RAPACES E RAPAZAS! AS PREGUNTAS SON BEN SINXELAS! SE PRECISADES AXUDA PODEDES FACER USO DOS ORDENADORES E LIBROS DA BIBLIOTECA.

LECTURAS DE XANEIRO

FELIZ ANINOVO RAPACES E RAPAZAS! 

Parece que as vacacións vos abriu o apetito da lectura. Non hai máis que ver a lista dos libros máis emprestados no mes de xaneiro! Velaquí tedes a relación de libros máis lidos por vós neste mes.

BO NADAL E FELIZ ANINOVO

DENDE O EQUIPO DE BIBLIOTECA QUEREMOS DESEXARVOS UN BO NADAL, FELICES FESTOS E FELIZ ANINOVO!!!

DEIXÁMOSVOS AQUÍ UNHAS ACTIVIDADES PARA QUE PASEDES O TEMPO DURANTE AS VACACIÓNS!

A CARREIRA MÁIS DESATINADA DO MUNDO

Pinky preparoume outra das súas! Inscribiume a traizón na Carreira Máis Desatinada do Mundo sobre patíns con foguetes... foi unha fin de semana de pesadelo! Ao final, xúrovolo polos bigotes de meu avó, non vía a hora de volver á oficina!




OS MEMBROS DO GRUPO B DO CLUBE DE LECTURA "OS COMELIBROS" PODEDES DEIXAR AQUÍ AS VOSAS OPINIÓNS SOBRE O LIBRO

O CARTEIRO DE BAGDAD

Esta novela cóntanos a historia dun rapaz, chamado Abdulwahid de 11 anos e a súa familia, que viven nun barrio humilde da capital de Bagdad. O pai do cativo, Ibrahim, é o carteiro da cidade. A xente vive esculcando o ceo, as escolas pecharon e os cativos xa non xogan na rúa. Ibrahim reparte o correo na súa motocicleta. Leva no peto unha misteriosa carta que está decidido a entregar custe o que custe.

PARA OS QUE XA LERON A HISTORIA (GRUPO A) AQUÍ VOS DEIXAMOS NO BLOG UNHA SERIE DE ACTIVIDADES SOBRE O LIBRO. SO TEDES QUE PINCHAR NA IMAXE DO LIBRO QUE VOS APARECE Á DEREITA E QUE LEVA POR TÍTULO, O CARTEIRO DE BAGDAD!

SEGUNDA REUNIÓN DOS COMELIBROS

O pasado xoves 18, tivemos a segunda reunión do CLUBE DE LECTURA: OS COMELIBROS
O grupo A, interccambiou impresións sobre o libro "O carteiro de Bagdad" de Marcos Calveiro.
No grupo B, comentaron a lectura de Gerónimo Stilton "A carreira máis desatinada do mundo"

Aquí podedes ver algunhas imaxes de ambas as dúas reunións

2ªREUNIÓN OS COMELIBROS - diapositivas

Podedes deixar comentarios sobre calquera das lecturas. Que parte da historia vos gustou máis? Cal é a vosa personaxe favorita? Que relación ten a historia co mundo actual?, etc.

PREMIOS PARA OS ACERTANTES DO RECUNCHO DE POPI

Hoxe luns, fixemos a entrega de premios aos acertantes do segundo xogo do RECUNCHO DE POPI! NORABOA A TODOS!!

LIBROS INTERESANTES PARA O NADAL

Dende o colexio queremos desexarvos un BO NADAL a todos e todas e recomendarvos unha serie de lecturas para estas vacacións. Aquí vos deixamos unha lista de lecturas para cada ciclo tanto para os pais e nais coma para os nenos e nenas!

REUNIÓN CLUBE DE LECTURA

LEMBRAMOSVOS QUE O VINDEIRO MARTES 17 TEREMOS A NOSA ÚLTIMA REUNIÓN DO TRIMENTRE DO CLUBE DE LECTURA.

NO GRUPO A COMENTAREMOS A LECTURA SOBRE "O CARTEIRO DE BAGDAD".

O GRUPO B POÑERÁN EN COMÚN AS SÚAS IDEAS SOBRE " A CARREIRA MÁIS DESATINADA DO MUNDO"

NON ESQUEZADES TRAER O MATERIAL PARA A REUNIÓN.

ACERTANTES DOS XOGOS DE BIBLIOTECA

Comezamos co RECUNCHO DE POPI. Aínda que houbo moitos participantes, sinto decirvos que ninguén foi quen de escribir correctamente as articulacións do corpo. Outra vez será rapaces! Preparádevos para o seguinte xogo. A ver se hai máis sorte! 

 En canto ao XOGO DO SABICHONDO, aquí vos deixamos a lista dos acertantes. NORABOA RAPACES! Entregaranse os premios O LUNS 16 na hora do recreo na aula de AUDIOVISUAIS.

OS COMELIBROS

Hoxe imos falar un pouquiño máis do clube de lectura, OS COMELIBROS.

Este curso contamos con dous grupos. 

A primeira reunión do curso foi o día 15 de OUTUBRO. Este día os nosos comelibros recibiron instruccións básicas sobre o noso clube de lectura!

O día 12 de NOVEMBRO, tivemos a segunda reunión.

O grupo A está a ler "O CARTEIRO DE BAGDAD" de Marcos Calveiro.

O grupo B, tras ler a "XOELIKI" de Abraham Carreiro,  está a experimentar a lectura nun libro electrónico  ca historia "A CARREIRA MÁIS DESATINADA DO MUNDO" de Gerónimo Stilton.
Aquí vos deixamos algunhas fotos das nosas reunións.

os comelibros2 - foto montaje

NOVO CONCURSO

Chega o segundo concurso do XOGO DO SABICHONDO!

Atentos rapaces e rapazas. É ben sinxelo. As imaxes correspóndese coas partes do corpo. Debedes escribir as articulacións que aparecen sinaladas.

Lembrade escribilas en galego e sen erros!

OS COMELIBROS

Velaquí temos os dous grupos do CLUBE DE LECTURA "OS COMELIBROS"

CALENDARIO DE REUNIÓNS DO CLUBE DE LECTURA

Para lembrarvos a todos cando temos reunión neste PRIMEIRO TRIMESTRE, deixamos un calendario cos días, marcados, das nosas reunións do clube "Os comelibros"